Sülhməramlıların daha iki avtomobili aksiya ərazisindən sərbəst keçib
Bu dəqiqələrdə Rusiya sülhməramlılarına məxsus daha iki avtomobil azərbaycanlı ekofəalların Laçın-Xankəndi yolunda dinc məqsədlə təşkil etdikləri aksiya ərazisindən sərbəst keçib.
NUHÇIXAN İnformasiya Agentliyinin məlumatına görə, Xankəndidən gələn iki minik avtomobili Laçın istiqamətində gedib.
Həmişə olduğu kimi, bu gün – ekoaksiyanın 71-ci günündə də sülhməramlılara məxsus nəqliyyat vasitələrinin ərazidən heç bir maneə olmadan hərəkət etmələri bir daha aksiyanın məramının dinc olduğunu nümayiş etdirir. Azərbaycanlı ekofəallar etirazların ilk günündən humanist prinsiplərə sadiqdirlər. Heç də siyasi xarakter daşımayan bu aksiya Qarabağ ərazisində faydalı qazıntı yataqlarının istismarına qarşıdır.