Azərbaycan XİN ABŞ-ın Ermənistandakı səfirinə cavab verib
“Laçın yolu hər zaman normal nəqliyyat üçün açıq olub”.
NUHÇIXAN İnformasiya Agentliyi xəbər verir ki, bunu Azərbaycan Xarici İşlər Nazirliyinin (XİN) sözçüsü Ayxan Hacızadə tviterdə yazıb.
O bildirib ki, Azərbaycan yolda maneəsiz hərəkəti təmin etmək üçün əlindən gələn bütün tədbirləri görür:
“Şəffaflıq və təhlükəsizlik üçün sərhəd keçid məntəqəsinin yaradılması mütləqdir”.
Qeyd edək ki, ABŞ-ın Ermənistandakı səfiri Kristina Kvien Laçın yolunun hərəkət üçün bağlı olduğunu iddia edib və yolun açılmasını “tələb edib”.