Nazir: Ermənistan təxribatlarının intensivləşməsinin Aİ-nin missiyası dövrünə təsadüf etməsi narahatlıq doğurur

Son dövrlərdə Ermənistan tərəfindən törədilən təxribatların intensivləşməsinin Avropa İttifaqının (Aİ) Ermənistanda missiyasının mövcudluğu dövrünə təsadüf etməsi narahatlıq doğurur.

NUHÇIXAN İnformasiya Agentliyi xəbər verir ki, bu sözləri Azərbaycan Respublikasının xarici işlər naziri Ceyhun Bayramov aprelin 3-də Avropa Xarici Fəaliyyət Xidmətinin Şərq Tərəfdaşlığı məsələləri üzrə xüsusi nümayəndəsi Dirk Şubel ilə görüş zamanı deyib.

Nazir sözügedən missiyadan Azərbaycan və Ermənistan arasında normallaşma prosesinə xələl gətirmək üçün bəhanə kimi sui-istifadə edilməsinin yolverilməz olduğunu vurğulayıb.