Azərbaycan Prezidenti: Dostlar, qardaşlar kimi Qazaxıstanın uğurlarına ürəkdən sevinirik

Bu gün Qazaxıstan dünya birliyinin nəzərində böyük nüfuza malikdir, beynəlxalq məsələlərdə mühüm rol oynayır.

NUHÇIXAN İnformasiya Agentliyi xəbər verir ki, bu fikirləri Azərbaycan Prezidenti İlham Əliyev Astanada Heydər Əliyev küçəsinin təntənəli açılış mərasimində səsləndirib.

Qazaxıstanın irəli sürdüyü və reallaşdırdığı təşəbbüslərin sözün geniş mənasında Avrasiya məkanında etimad tədbirlərinin, sülhün möhkəmlənməsinə yönəldiyini bildirən dövlətimizin başçısı deyib ki, biz də dostlar, qardaşlar kimi Qazaxıstanın uğurlarına ürəkdən sevinirik.