Cocuq Mərcanlıda çoban minaya düşərək həlak olub
ANAMA Cəbrayıl rayonunda baş verən mina hadisəsi barədə məlumat yayıb.
NUHÇIXAN İnformasiya Agentliyi xəbər verir ki, məlumatda deyilir:
"Azərbaycan Respublikasının Minatəmizləmə Agentliyi (ANAMA) və Daxili İşlər Nazirliyinin Mətbuat Xidməti məlumat verir ki, 2023-cü il 1 may tarixində Cəbrayıl rayonu Cocuq Mərcanlı ərazisində minalardan təmizlənməmiş ərazidə mina partlayışı baş verib.
Məlumata əsasən maldarlıq fəaliyyəti ilə məşğul olan Füzuli rayon Qazaxlar kənd sakini 1964-cü il təvəllüdlü Alışov Oktay Bayram oğlu, at ilə hərəkətdə olarkən minalardan təmizlənməmiş əraziyə keçid etmiş və tank əleyhinə mina partlayışı nəticəsində həlak olmuşdur".