“TRT World”ün müxbiri: Şuşaya səfər etmək burada baş verənləri dünyadakı izləyicilərimizə çatdırmaq üçün əla fürsətdir

Bu, mənim Şuşaya ilk səfərimdir. Hərbi müxbiri olaraq 44 günlük müharibədən dərhal sonra Qarabağa səfər etmək imkanımız oldu. Bu ərazilərdə aparılan yenidənqurma işlərini görmək və Azərbaycan hökumətinin nümayəndələrindən onların buraları bərpa etmək niyyətində olduqlarını eşitmək çox xoşdur.

NUHÇIXAN xəbər verir ki, bu sözləri jurnalistlərə müsahibəsində Şuşa Qlobal Media Forumunda iştirak edən “TRT World”ün müxbiri Oubay Şahbandar söyləyib.

“Bir jurnalist kimi Qarabağdakı faktların şahidi olmaq və reallığı yerində dərk etmək üçün buraya səfərə gəlmək baş verənləri dünyadakı izləyicilərimizə çatdırmaq baxımından əla fürsətdir”, - deyə o vurğulayıb.