Fuad Nəcəfli diaspor gənclərini yenidən Naxçıvana dəvət etdi
"Azərbaycan Respublikasının Prezidenti cənab İlham Əliyev "Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı" təsdiq edib. Proqrama əsasən Naxçıvanda çox mühüm layihələr icra olunacaq. Siz proqramın icrası başa çatdıqdan sonra bütün sahələr üzrə böyük inkişaf yolu keçmiş, tamamilə dəyişmiş Naxçıvanın şahidi olacaqsınız".
NUHÇIXAN xəbər verir ki, bu sözləri Naxçıvanda keçirilən Diaspor Gənclərinin IV Yay Düşərgəsinin bağlanış mərasimində çıxış edən Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli deyib. Səlahiyyətli nümayəndə düşərgə iştirakçılarını, eləcə də xarici ölkələrdən gəlmiş gəncləri 5 ildən sonra yenidən Naxçıvana dəvət edib.