Şirvan və Manisa şəhərləri arasında qardaşlıq protokolu imzalanıb

Azərbaycanın Şirvan şəhəri ilə Türkiyənin Manisa şəhəri arasında dostluq və qardaşlıq haqqında protokol imzalanıb.

NUHÇIXAN-ın məlumatına görə, imzalanma mərasimində Manisa Böyükşəhər Bələdiyyəsinin sədri Cengiz Ergün, Şirvan Bələdiyyəsinin sədri Kürdoğlu Muradov, Şirvan Şəhər İcra Hakimiyyəti başçısının müavini Aynur Fərzəliyeva və digər rəsmi şəxslər iştirak ediblər.

Sənədə əsasən, tərəflər arasında birgə proqram, layihələr, qarşılıqlı səfərlərin təşkili, habelə təcrübə və məlumat mübadiləsi, incəsənət, mədəniyyət və digər sahələrdə əməkdaşlıq nəzərdə tutulub.