BQXK Azərbaycan və Ermənistan arasında 700-ə yaxın şəxsin qaytarılmasında iştirak edib

Beynəlxalq Qızıl Xaç Komitəsi (BQXK) 1990-cı ildən 2020-ci ilə qədər 700-ə yaxın saxlanılan şəxsin hər iki tərəfə qaytarılmasında iştirak edib.

NUHÇIXAN xəbər verir ki, bu barədə BQXK-nın Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova qurumun media nümayəndələri üçün keçirdiyi brifinqdə məlumat verib.

Onun sözlərinə görə, ümumilikdə saxlanılan şəxsə onu saxlayan tərəf məsuliyyət daşıyır: "BQXK bu məsələdə heç bir məsuliyyət daşıya bilməz".

İ.Hüseynova bildirib ki, ötən əsrin 90-cı illərində yazılan hər hansı məktubun bu gün ailə üzvlərinə verilməsi halı olmayıb: "Həmin zaman yazılan hər hansı məktubun bu gün ailə üzvlərinin əlinə gəlib çıxması mümkün deyil. Sadəcə, ailə məktubu indi mediaya təqdim edir".