Ukraynanın Azərbaycandakı səfiri Naxçıvana səfərə gəlib - YENİLƏNİB - VİDEO
NUHÇIXAN xəbər verir ki, Ukraynanın Azərbaycan Respublikasındakı fövqəladə və səlahiyyətli səfiri Vladislav Kanevskiy Naxçıvan Muxtar Respublikasına səfərə gəlib.
Qonaqlar əvvəlcə ümummilli lider Heydər Əliyevin Naxçıvan şəhərinin baş meydanında əzəmətlə ucalan abidəsini ziyarət edib, önünə gül dəstələri qoyub, dahi şəxsiyyətin xatirəsini ehtiramla yad ediblər.
Sonra Heydər Əliyev Muzeyində olan ziyarətçilər dahi şəxsiyyətin həyatını və çoxşaxəli dövlətçilik fəaliyyətini əks etdirən eksponatlarla tanış olublar.
Səfər çərçivəsində qonaqlar həmçinin muxtar respublikanın istehsal və mədəniyyət müəssisələri ilə tanış olublar.