“Tesla”nın yeni robot taksi modeli təqdim edilib

Amerikalı milyarder İlon Mask “Tesla”nın avtonom rejimdə çalışan robot taksi avtomobilini (Cybercab - Qeyd) təqdim edib.

NUHÇIXAN xəbər verir ki, təqdimat Kaliforniyada baş tutub.

Onun sözlərinə görə, hazırda ən azı 50 tam avtonom rejimdə çalışan elektrik avtomobili mövcuddur.

Qeyd olunub ki, nəqliyyat vasitəsində sürücü üçün idarəetmə mexanizmləri nəzərdə tutulmayıb.

İlon Mask bildirib ki, bir robot taksinin qiyməti 30 min dollar olacaq. Eyni zamanda, xidmətdən istifadə edənlər səyahət üçün hər milə (1.6 km – Qeyd) təxminən 30-40 sent ödəyəcəklər.