Yeni “iPhone XR” ikiqat əsas kamera ilə təchiz ediləcək
“Apple” şirkətinin yeni “iPhone XR” smartfonu ikiqat əsas kamera ilə təchiz edilə bilər. Bu informasiya çinli təchizatçılar şəbəkəsindəki insayderlər tərəfindən yayılıb.
NUHÇIXAN “iz.ru” saytına istinadən xəbər verir ki, hazırda “iPhone XS” və “iPhone XS Max” smartfonları iki əsas kameraya malikdir. Gözləntilərə görə, 2019-cu ildə təqdim ediləcək “iPhone XR” modeli 12 meqapiksellik iki modulla təchiz ediləcək. Həmin modullardan biri teleobyektiv olacaq.
Smartfonun qiyməti ən azı 750 dollar təşkil edəcək. “Apple” şirkətinin yeni cihazlarının təqdimatı bu ilin sentyabrına planlaşdırılıb.