“Android” sisteminin hələ elan edilmiş versiyasında istifadəyə veriləcək yeni funksiya məlum olub

“Android” əməliyyat sisteminin hazırlanması üzrə məsul şəxs olan “Google” korporasiyasının vitse-prezidenti Deyv Berk “Twitter”də sözügedən sistemin növbəti versiyasında əlçatan olacaq yeni funksiya haqqında məlumat paylaşıb.

NUHÇIXAN “iz.ru” saytına istinadən yazır ki, mobil qurğuda uzun səhifələrin ekran görüntüsünü etmək imkanının çətinlikləri haqqında “Android Police” portalının təsisçisi Artyom Rusakovskinin yazısına cavab olaraq Berk bildirib ki, tərtibatçılar artıq “Android R” platformasında bu funksiyanı əlavə ediblər. İstifadəçilər uzun səhifələri lazımi istiqamətdə hərəkət etdirərək ekran görüntüləri yarada biləcəklər. “Android R” platformasının 2020-ci ildə təqdim ediləcəyi gözlənilir.