“Microsoft” istifadəçilərə “Excel”də makroslardan imtina etməyi tövsiyə edir

“Microsoft” şirkətinin nümayəndələri “Excel” vasitəsilə zərərverici proqramların yayılmasını etiraf edib. Şirkət öz istifadəçilərinə makrosları deaktiv etməyi və onlardan istifadə etməməyi tövsiyə edir. Şirkətin nümayəndələrinin sözlərinə görə, cinayətkarlar tərəfindən yayılan spam troyan virusunun quraşdırılması üçün “Office” proqramındakı boşluqlardan istifadə edir. Söhbət “Excel” proqramında zərərverici makroslardan istifadə edilməsindən gedir.

NUHÇIXAN “hitech.vesti.ru” saytına istinadən məlumat verir ki, “Trend Micro's” nəşri yazır ki, yalnız ötən həftə “FlawedAmmyy” troyanı “Excel” ofis proqramında makrosların köməyi ilə Çili, Meksika, Çin, Cənubi Koreya və Tayvanda işə salınıb.