"Reddit" populyarlığına görə "Facebook"u ötdü
“Reddit” sosial platforması ABŞ vətəndaşları arasında populyarlığına görə “Facebook”u geridə qoyub.
NUHÇIXAN xəbər verir ki, bu, “Amazon”a aid olan “Alexa” tədqiqat şirkətinin tərtib etdiyi reytinqdə əksini tapıb.
Reytinqin ilk 2 sırasını “Google” və “YouTube” tutur. “Reddit” 3-cü sıraya yüksəlib. Dördüncü yerdə “Facebook”, 5-ci yerdə “Amazon” gəlir. Dünya reytinqində isə “Facebook” 3-cü, “Reddit” 6-cıdır.
Hər gün istifadəçilər “Reddit”də orta hesabla 15 dəqiqə, “Facebook”da 11 dəqiqə, “YouTube”da 8,5 dəqiqə, “Google”da 7 dəqiqə vaxt keçirirlər.