“Polaroid” smartfondakı şəkillərin çap edilməsi üçün “cib” printeri təqdim edib

340

"Polaroid Originals" şirkəti smartfonla çəkilmiş şəkilləri çap edə bilən "Polaroid Lab" mobil printerini təqdim edib. Qurğunun özəlliyi fərdi kompüter və digər şəkil mənbələrinə qoşulmaq üçün ənənəvi interfeysin yoxluğudur. Mobil printer smartfonun displeyinin "şəklini çəkir" və onu çap edir.

NUHÇIXAN "4pda.ru" saytına istinadən xəbər verir ki, "Polaroid Lab" mobil printeri 2015-ci ildə təqdim edilmiş "Instant Lab" modelinin varisi olub. Printer smartfonun ekranındakı şəkli çəkən kamera ilə təchiz edilib. Qurğu "iPhone 6" və sonrakı modellər, həmçinin əksər "Android" cihazları dəstəkləyir. Mobil printer "micro-USB" portu vasitəsilə enerji toplayır. İstehsalçı əmin edir ki, akkumulyatorun tutumu gözləmə rejimində 1 ay işləmək üçün kifayətdir.

Mobil proqram şəklin ekspozisiyasını və rəng korreksiyasını tənzimləməyə və 9 ayrı şəkildən kollaj düzəltməyə imkan verir.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: