“Google” şirkəti ən geniş zəlzələ xəbərdarlığı şəbəkəsini yaratmaq niyyətindədir

5945

“Google” şirkəti Android smartfonların köməyilə zəlzələlərin müəyyən edilməsi üçün ən geniş şəbəkə yaratmaq niyyətində olduğunu bildirib. Bu barədə məlumat şirkətin rəsmi saytında yer alıb.

NUHÇIXAN İnformasiya Agentliyi TASS informasiya agentliyinə istinadla xəbər verir ki, məlumatda deyilir: “Yaşadığınız yerdən asılı olmayaraq sizin Android zəlzələ haqqında xəbərdarlıq sisteminin bir hissəsi ola bilər. Bu, o deməkdir ki, sizin telefon mini seysmometr ola bilər və dünyada ən böyük zəlzələ xəbərdarlığı sisteminin yaradılması məqsədilə digər Android telefonlara qoşula bilər”.

“Google” şirkətinin məlumatına görə, hər smartfon kiçik akselerometrlə təchiz edilib. O, yaxınlıqdakı zəlzələni təsdiqləyən siqnalları qeyd edəcək. Zəlzələnin həqiqətən müəyyən bir yerdə olub-olmadığını müəyyənləşdirmək məqsədilə, siqnallar müxtəlif smartfonlardan məlumat toplayan və emal edən xüsusi serverə göndəriləcək.

Birinci mərhələdə yaxınlıqdakı yerdə zəlzələ haqqında məlumatı “Google” axtarış sisteminə sorğu verməklə öyrənmək olar. Lakin şirkət gələcəkdə ABŞ və digər ölkələrin sakinlərinə zəlzələ barədə bildiriş göndərməyi planlaşdırır.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: