“MediaTek” qabaqcıl “Dimensity 1000C” mobil “5G” platformasını təqdim edib

2085

“MediaTek” şirkəti beşinci nəsil şəbəkələrini dəstəkləyən qabaqcıl “Dimensity 1000C” mobil prosessorunu elan edib. Yeni prosessor beynəlxalq bazara hədəflənib və “Dimensity 1000” modelinin dəyişdirilmiş versiyasıdır.
 
NUHÇIXAN İnformasiya Agentliyi “4pda.ru” saytına istinadən xəbər verir ki, 7 nm-lik texnoloji proses üzrə işlənib hazırlanmış “Dimensity 1000C”  prosessoru inteqrasiya edilmiş “5G” modemə malikdir. Onun arxitekturası 2,0 QHs takt tezliyində işləyən 4 ədəd məhsuldar “Cortex-A77” nüvəsi və 4 ədəd enerji cəhətdən səmərəli “Cortex-A55” nüvəsinə malikdir. “GPU ARM Mali-G57” qrafik kartı prosessorun qrafik imkanlarını təmin edir.
 
“Dimensity 1000C” prosessoruna maksimal məhsuldarlığın təmini məqsədilə təsvirlərin işlənməsinə və sistemin işinin intellektual planlaşdırılmasına cavabdeh olan üç süni intellekt soprosessorundan ibarət kombinə edilmiş neyron blok inteqrasiya edilib. Yenilik, həmçinin “Netflix” platforması üçün “AV1 HDR” kodekini, “YouTube” üçün isə “AV1” kodekini, qurğunun səslə aktivləşdirilməsi üçün “Dual Voice Wake Up” funksiyasını dəstəkləyir və iki displeyli smartfonlarda düzgün işləyir.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: