LG mobil telefon istehsalını dayandırır
Cənubi Koreyanın "LG Electronics" şirkəti mobil telefon bazarından çıxdığını elan edib.
NUHÇIXAN İnformasiya Agentliyi TASS-a istinadən xəbər verir ki, bu barədə şirkətin hesabatında deyilir.
Bildirilir ki, qərar işin mənfəətinin olmamasından və yüksək rəqabətdən irəli gəlib. Şirkət daha əvvəl mobil cihazların istehsalını Vyetnam korporasiyası "Vingroup" və alman avtomobil istehsalçısı "Volkswagen"ə satılmasını müzakirə edib, lakin razılıq əldə olunmayıb.
Məlumata görə, "LG" mobil telefonlarının istehsalı 2015-ci ildən itkilərlə üzləşib ki, onların ümumi məbləği ötən il 4.4 milyard dollara yüksəlib.