“5G” dəstəkli ən ucuz smartfon təqdim olunub

760

“Samsung” şirkəti beşinci nəsil mobil rabitə şəbəkəsini dəstəkləyən “Galaxy A22” smartfonunu təqdim edib. Bu barədə “XDA Developers” nəşri məlumat yayıb.

NUHÇIXAN İnformasiya Agentliyi lenta.ru saytına istinadən xəbər verir ki, qurğu plastik korpus, 90 giqahers tezlikli 6,6 düymlük “IPS” ekran, “5G” dəstəkli “MediaTek Dimensity 700” prosessoru, 4 giqabaytlıq operativ və 64 giqabaytlıq quraşdırılmış yaddaşla təchiz edilib. Smartfon 48, 5 və 2 meqapikselli obyektivə malik üçlü kamera, yan düyməyə quraşdırılan daktiloskopik sensor, 15 vatt gücündə sürətli enerjidoldurmanı dəstəkləyən 5 min milliamper/saat tutumlu akkumulyatorla buraxılıb.

“Samsung Galaxy A22” smartfonu “Android 11” əməliyyat sistemi ilə tədarük edilir. Jurnalistlərin sözlərinə görə, təqdim edilən model “5G” dəstəkli ən ucuz smartfondur. Qurğunun qiyməti konkret bazardan asılı olacaq. Məsələn, Avropada smartfonun 64 giqabaytlıq quraşdırılmış yaddaşa malik əsas versiyasının qiyməti 229 avro, 128 giqabaytlıq versiyasının 249 avro təşkil edəcək.

Həmçinin “Samsung” şirkəti smartfonun “4G” şəbəkələrində işi dəstəkləyən sadələşdirilmiş versiyasını nümayiş etdirib. O, əsas versiyadan 6,4 düymlük “OLED” ekranın və “MediaTek Helio G80” prosessorunun mövcudluğu ilə seçilir.

“Strategy Analytics” agentliyinin məlumatına görə, “Samsung” şirkəti 2021-ci ilin yekunları üzrə ən böyük smartfon tədarükçüsü olub. Qeyd olunan müddət ərzində Cənubi Koreya istehsalçısı dünya bazarına 77 milyon qurğu tədarük edib.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: