“Wi-Fi” standartlarının adları sadələşdiriləcək

"Wi-Fi Alliance" qeyri-kommersiya təşkilatı simsiz şəbəkə məhsulları üçün "IEEE 802.11" standartlarının adını sadələşdirib. NUHÇIXAN "vesti.ru" saytına istinadən yazır ki, bu, istehlakçıların rahatlığı üçün düşünülüb. 802.11n texnologiyası "Wi-Fi 4", "802.11ac" texnologiyası "Wi-Fi 5", "802.11ax" texnologiyası isə  "Wi-Fi 6" kimi adlandırılacaq. 802.11ac  ilə müqayisədə 30% daha yüksək rabitə sürəti təklif edən 802.11ax standartı isə gələn il təsdiq ediləcək. Bu və ya digər qurğu tərəfindən dəstəklənən "Wi-Fi" standartı yeni ikonkalar ilə işarələnəcək. Köhnə standartlar (802.11a, 802.11b, 802.11g) "Wi-Fi 1, 2 və ya 3" kimi adlandırılmayacaq, çünki bazarda onlara uyğun olan qurğular, demək olar, yox səviyyəsindədir.